|
Eune fîsée grande coumme un bâtisse qu'nou lanchit à m'mèe dans san temps; nou n'en r'veint pon, nou droque, nou drisse, les muthâles lus êcrouôlent, et dans un clyîn dg'yi tout s'sait soûfflié hors, les maîsons trilyies et passecrites. Les louêmes dé forche la happit d'houors. Ou fut fliantchie. La brique s'êmite. La fîsée pâsse, ou s'tait, ou tchait... Ches fielles fatales du S'tembre nièrchissent et fliottent en achies. Souos lus paids les liefs drotchants halent les bâtisses. Et nou voulait mouontrer à m'mèe, dans un clios là-bas, un cratéthe - mais ou connaîssait les fîsées ouaithe qu'ou fûsse hardi janne, ma méthe. Geraint Jennings |
Viyiz étout: