Qui veux être à la mode; t'uentends bein à "l'Entente Cordiale,"
Ou'l est engagie à eun Français que n'où dit est un Admiral,
D'aoutres m'ont dit qu'il est Général,
Et d'aoutres disent qu'il est un Corporal.

Enfein, ma tante, que sçait t'chiche voudra, y yia du ral,
Et chonna s'est fait à "l'Entente Cordiale."
Chest eunne belle chose que la cordialitet,
Comme "l'Entente Cordiale" nos la montret.

Que sçait eun titre où l'aoutre, chest tout pour "l' Entente Cordiale."
Je connais un homme, yieun qu'est bein vénérable,
Qui vein d'mathié eunne petite française;
Eh bein, en la mathiant, y la met bein a s'naize.

Tout chonna s'est fait par eunne "Entente Cordiale,"
Comme un vieir garçon qui s'est décidet à l'aimabyïe,
De s'uni à euune jeune demoieselle française;
Sans doute que yï étout crait qu'où s'en va être bein à s'naize.

Yia même de nos soudards qu'ont mathié des françaises;
Y faut bein qui les admithe et qui lus piaïze,
Depis "l'Entente Cordiale," n'ou n'peut pas sinon ermertchi,
Combein de coupyïes des deuex nations qu'ont formet eunne amiêtchi.

Mais ch'nest pas seulement les jeunes gens,
Chest touos les Jerriais; et en touos temps,
Qui font bouan atcheuil à nos vaîezeins;
Faut espéthé qui restéthons tréjous anmeins.

Quand y veinnent nos vais, j'lus donnîmes eunne bouanne reception;
Y nos firent le même compliment dans eunne aoutre occasion;
Tchet des fêtes tout à fait hospitayièthe et cordiale,
Qu'ont donnet bieaucoup d'piaïezi à tous en générale.

Pour dithe vrai, y n'yiavet
Jamais yieu ditet;
Personne ne yiavet penset;
Nou zan est tout stupéfait.

"VIVE L'ENTENTE CORDIALE."

Georgie