|
À banon dans la bibliothèque nou gruge des pages, nou gouôte des mots; nou pâsse en paîssant par la brècque pouor brinnoter dans ches bieaux clios. La néthe et blianche hèrbe craît ichîn ès pages, ès preunmié fielles flieuthies, ès rouôlots meûthis d'parchémîn: i' faut liéthe où'est qu'nou-s'est fitchi. La sagesse, véthe, veint en mangeant les êcrithies et lus êqu'sîns, les stchelettes ès vièrs dotchuments et l's atonmies d'lus griffouoillîn. I' n'sait pon, tchi n'a rein gouôté d'chu papi împrînmé d'fricot dans la bibliothèque, à banon à gouôter d'pages, à grugi d'mots. Geraint Jennings Londres 16/12/2008 |
Viyiz étout: