|
O mon pays, belle patrie! Tch'est qui voudrait passai sa vie Au d'là d'la mé, Sans tchique feis s'houaïtaï De v'nin t'r'vée; Car t'oubliai jamais Je ne pouorais. Mon p'tit Jerri, Pays béni, Y a-t-i si bé Coum té? Que d'aut's pays peuvent s'vantai En bein des chos's de t'dépassai, Ch'là se peut bein; Avec tout ch'là i n'm'en est d'rein, Car lus biautaïs Même les pus vantaïs Sont égalaïs. Mon p'tit Jerri, Pays béni, Y a-t-i si bé Coum té? O mon pays, belle patrie! Tu rivalises l'Arcadie, Gardin flieuri. Quoique tu n'seis qu'un p'tit rotchi; Ilot de paix. Mon p'tit Jerri, Pays béni, Y a-t-i si bé Coum té? A.A. Le Gros 1867 |
Viyiz étout: