|
Ches anges, ma fé, y'en a eune racachie, Un fliotchet d'êtres ès ailes à faithe la tcheue. Pouortchi qu'il' attendent, ches anges d'Picardie, Sus la côtchiéthe dé la maîson dé Dgieu? Tchil amas d'anges Picards dans chu lieu-chîn! J'n'ai janmais veu eune itelle muthâl'lie Qu'sus lé grand us d'la Cathédrale d'Amiens. Où'est qu'il' entouôrrent l'estatue d'Jésû-Christ. Chutte dgaîngue céleste a ouvèrt grand les portes; Lus m'sage est stchulpté pouor toutes les bouonnes gens D'la Ville, les pèlerîns et les âmes mortes. Les rangs crêmeurs d'anges lus lèvent coumme d'l'enchens Vèrs un ciel fraid et cliai. Lé S'tembre est v'nu Auve chu m'sage angélique tchi s'mithe vèrs Noué. Les chèrvelles, les ailes, les èrchelles: v'là mus Quand la pathole dé Dgieu est pus qu'stchulptée.
|
Viyiz étout: