|
Le pâsrain a Tommy a tet a trais Batties Et ne vchin sn'histoiethe comme y nos la dis. La premièthe comme y dis "Lunch" dans la matinais, La gache, du fromage et pis de bouanne beurrais. Et pis du cidre tout chein que nou zen voulait, Du "grog" de toute sorte, rein n'y mantchait, Et pis le diné tchet comme eun diné de Noué, Du boeu, du jambon, et pis du bouan podein. Le podein, Oh... y n'tait pas vraîment épaignit, De riz, de pommes, et pis de fieu boiyit; Et pis y vos en donnais de bouannes assietais, Cheque dame n'ou nietait pas affamais. La deuxième qu'il alli, la chose avait changi, Car y fut mins a naiti eune grand soyi, A ramassé des arraignis et du ponsi, Tchet avec eun gnais qui fallait le braingi. Mais quand au fricot rein n'y mantchet, Le diné vient eun mio tard, il avait le flâchait; Il eut etout la de bouanne grande assietaits, Et tous pudre dithe qui tais bein rassasiais. Mais le traizième jour le bouanhomme tait anniet, Et pis y vint a être eun p'tit mio dêsgouotait. Tchet pas étonnant li qu'aime tant les fricots, Tchiquenns avais des merveilles et li des haricots. Mais comme le plaisi finit tréjous par l'angnit, Il en fut de même du parain à Tommy. Quand y fut arrivais siez li, Oh... y se promins bein De ne jamais s'offrit pour donné eun coup de main. Oh... comme y dis, Oh... Oh... Oh... Halte là... Chest pas de même que n'ou matraptha; Quand je vais est batties, chest pour le fricot, Mais je ne veux pas avé de soupe de vlicot. Y dit que si l'annais tchi veint, si vit, Y donna eune coup de main est femmes à boulangit ; Y peut plé patate, carottes et pannais, Et pis gouèté au fricot quand il sça près. Livonia |
Viyiz étout: