Les Pages Jèrriaises

L'astrologie en Jèrriais

Les sîngnes du zodiaque

 

Aquarius

Lé Vèrseux

lé vîngt'tch'ieunième d'Janvyi au dgiêx-neuvième d'Févri

 

 

Lé jour chanceux:

Mêcrédi

Les neunméthos chanceurs:

ieune et sept

La pièrre d'naîssance:

l'améthyste

La couleu:

bliu

Les dangièrs:

l'întoléthance

 

Les vèrseurs sont îndépendants, progressifs, analytiques et originnaux. I' savent chein qu'il' aiment et chein qu'i' n'aiment pon et il' ont d'fortes opinnions.

Lé sîngne du Vèrseux est l'sîngne d'l'av'nîn, des rêves et d'l'astrologie même. Les vèrseurs aiment créer dé grands projets, des plians, et des idées, mais i' n'aiment pon l's înmplémenter dans la réalité. I' préfèthent la théorie à la pratique, et n'aiment pon travailli dû.

Les vèrseurs sont îndépendants, et parfais l's aut's disent qu'i' sont pustôts eccentriques. I' sont idéalistes et il' aiment aîdgi ès gens. I' veulent qué tout lé monde sait heûtheux. Lus ambition est d'faithe tchique chose d'înmportant et d'utile. Nou trouve hardi d'vèrseurs dans la politique et dans les charités.

Les vèrseurs sont enduthants et préfèthent vivre et laîssi vivre. I' sont honnêtes, mais il' ont p't'êt' eune tendance d'exagéther.

Lé système cirtchulataithe et les g'vil'yes sont souos l'sîngne du Vèrseux. Les vèrseurs peuvent êt' afflyigis par les veines varices et les problièmes auve l's artèthes. I' s'êteurtent souvent la g'vil'ye.

 

 

Les Pages Jèrriaises