Les sîngnes du zodiaque
Pisces
Les Paîssons
lé vîntchième d'Févri au vîntchième d'Mar
|
Lé jour chanceux: |
Vendrédi |
|
Les neunméthos chanceurs: |
deux et six |
|
La pièrre d'naîssance: |
l'aquamarine |
|
La couleu: |
vèrt |
|
Les dangièrs: |
l'alcool et les drogues |
Les paîssons sont êmutionnés, înmaginnatifs, romantiques et mystiques.
Lé preunmié sîngne du zodiaque, lé B'lîn, èrprésente lé c'menchement. Lé dèrnié sîngne, chein des Paîssons, èrprésente l'êtèrnité, la réîncarnâtion et la r'nâissance spirituelle.
Les paîssons sont mié-corps, mié-esprit, et i' sont liés auve la prophétie et lé scîn.
Coumme l'ieau ou lé vif-argent, les paîssons bouogent tout lé temps, et changent coumme les couothants d'la mé. I' changent s'lons lus envithonnement. I' sont hardi sympathiques, mais i' trouvent des problièmes à dithe "nannîn": i' disent trop souvent "oui-dgia!"
Les paîssons n'sont pon pratiques. I' chouaîsissent d'mauvais compangnons. I' n'sont pon bouans à mênagi l's affaithes ou la commèrce, mais coumme auteurs, musiciens ou artistes, il' éthont d'grand succès. I' préfèthent travailli tout seurs qu'auve d'aut's gens.
Les paîssons sont louoyaux et génétheurs et sont tréjous prêts à aîdgi à un anmîn auve des problièmes. I' sont dêvoués à lus anmîns.
Les pids sont souos l'sîngne des Paîsson. Les paîssons daivent êviter les souyièrs tchi pînchent.