Les sîngnes du zodiaque
Cancer
La Crabe
lé vîngt-traîsième d'Juîn au vîngt-traîsième d'Juilet
|
Lé jour chanceux: |
Lundi |
|
Les neunméthos chanceurs: |
trais et sept |
|
La pièrre d'naîssance: |
la pèrle |
|
La couleu: |
vèrt d'mé et argent |
|
Les dangièrs: |
l's accidents à la maîson, et lé vol |
Les crabes sont sympathiques, gentilles mais i' n'sont pon aîsi à comprendre.
Un moment, i' sont capabl'yes d'êcouter les problièmes d'aut's gens auve grande sympathie, et pis i' changent et sembl'yent mârries et fascinées par lus problèmes à ieux.
Lé sîngne d'la Crabe est un sîngne dg'ieau et lé s'gret des crabes est tch'i' changent coumme les mathées. N'y a pon piéthe qué l'ieau tchi dort!
Complexe, cajelîn, împrédisâbl'ye et tempéthamentale, eune crabe dait êt' souôt'nue et encouothagée. Mais i' r'paient l'encouothagement auve eune louoyaûté absolue.
Il' ont eune tendance dé pépionner, mais en silence. I' gardent lus s'grets.
Il' ont un tchoeu d'or. Souos lus vannieaux i' sont sentimentales. Si tchiqu'un d'mande d'l'aîgue à eune crabe, ou dit au c'menchement "nannîn" mais enfîn ou ditha "oui".
I' sont nostalgiques: i'n'pèrdent janmais contact auve l's anmîns, anciens amouotheurs ou amouotheuses, êpoux ou êpouses, parchounnièrs en affaithes, les gens qu'i' connaîssaient coumme êfants. I' sont dêvouées à la fanmil'ye et à lus siez-ieux.
I'n's'appraîchent janmais dé tchique chose directement, mais il' arrivent là oùest qu'i' veulent aller par heûthe ou par tard.
Lé sein et l'estonma sont souos l'sîngne d'la Crabe. Les crabes aiment mangi et prannent du paids.