La Soupe d'Andgulle
Eune èrchette d'originne Trinnetaise
(Pouor 4 pèrsonnes)
Eune grosse tête et eune coue d'andgulle, eune pétite caboche, eune tâssée d'pais ronds, siex fielles et deux flieurs dé soucique, quat' fielles dé bouôrrage, du pèrsi et du thymbre, deux p'tites tchulièrs à soupe dé ris moulu bouoilli dans eune pînte dé lait, un quart dé pînte dé crème.
Laver l'andgulle et y faithe des copes ; couvri d'ieau, ajouôter du sé et bouoilli douochement pouor deux heuthes ; êtcheunmer à m'suthe. Couler la "soupe" et r'bouoilli en ajouôtant gros comme eune nouaix d'beurre et du paîvre, la caboche mînchie, fielles d soucique, etc. Un co tchuite, y mettre lé lait et l'ris moulu, la crème et les flieurs. Mitonner deux minnutes dévant sèrvi.
Viyiz étout: