A l'Éditeux d'la "Nouvelle Chronique de Jèrri."

Chier Mousieu, - Y'à déjà une fameuse volée, je vi dans yun d'vos papiers, qu'il était chestion d'un "Railway" en Jèrri. Comme jé vains d'temps en temps vais mes gens, et que j'ai à passé par St.-Aubin, je pensi que v'là chi serait au pliézi d'la vie, car pour vos dire a véritai, j'ai n'aime pon à allé dans chez monières dé "Omnibus" (et quand s'is ichin j'vais en ville quassiment touos les jours); ils taient bain assez y'à chiques années, mais d'pis que chez chiquettes de crinolines ont tait inventées, n'y'à pon de run à s'y fouorrai: nou z'est obligi de s'piqui sus l'haut, sus chute monière de "Knife Board," (J'ai n'sait pon d'mot pour "Knife Board," à mains que che n'sait pianche à couchaux), et jé peux vos dire qui n'y fait pon gras (principalement sus la route d'la ville), quand t'y vente des vents d'sud, et qui ché d'la plyie à fine verse. Jé sai bain comme il y fait, car jé m'y s'y trouvé deux ou très fais, la dernière fais que j'vins en Jèrri. Jé m'en r'vennais un Sam'di au sé d'la ville dans la "Bus;" j'avais y'eu d'la chance chute serrais là; je m'tais squizi....