Les Pages Jèrriaises

Le Qmin-dfé

Mousieu Dâvi
Est bain mâri,
Car chest angniet que les Etats
Vont s'occupé
De chu qmin-dfé,
Et Mousieu Dâvi n'en veut pas.

Il y séza
Et lue diza
Que li et Mousieu Bill Gaudin
En ont pâlait
Et décidait
Que le qmin-dfé est du gniolin.

Et chès bain seux
Qu'entre lue deux
Y zen connaissent bain pue long
Qu'un tas de gens
De chès savants
Qui ne savent pas chan qui font.

Car un coup fait
Que servizait
Chu biau Railway, mes chièrs anmins,
A mains qu'à cheux
Qui ont trop peux
D'allé par baté es bénins.

Saint-Cliementais
Et Grouvillais
Yzont vraiqui par le qmin-dfé,
Et à Roquebert
Tous les chorchiers
Yzont au Vendredi dansé.

Et si un jour
Quique Rulcour
Ervenait prendre Jèrri,
Chu grand baloque
Dla Pliate Roque
Sezait en ville en un clin-dgui.

Lanmin Flippe
Nouvelle Chronique de Jersey 8/11/1871

 

Viyiz étout:

 

Les Pages Jèrriaises