Mecredi 21 Janvi.
Chier Moussieu, - Vos piétha-ti dithe à Moussieu “Halfred,” qu'écrivait dans vot' gazette de Mêcredi passêt, qué, s'y veur vais des routes modèles commes y les entend qu'y n'a qu'à v'nin de la ville à St.-Luothains par la grande route tch'la va sans dithe) èt qu'il en verra, èt qu'il en étha san tchoeu content. I n'voudrait pon de pierre dans l'mitan des routes, - j'en avons pon: chès d'la buoyie toute puthe; les cheins qui lus trébukthais d'dans ne lus f'thais pas gran' ma, mais y pathaistrais bein! - J'n'avons pus de lopins de banlais: chais d'la graisse fondue. - “J'n'avons pus de pavai là ouècque y en avé l'engin à Mes Le Tchêne sait bain l'êcrasé.” Si Moussieu “Halfred” veur se rafraîchi les pids, chest ichin la pièche. Les marchans de bringes à biatchinet a décrotté se frottent les mains de joie, lus commerce quémenche à allé bein. Dites li qu'il entre par sies nous j'li donnai une tasse de thaie pour le délassé car je vos certifie q'il en étha besoin. En vous remerciant à l'avanche, je reste, Moussieu.
Yune des Victimes
Viyiz étout: