Moussieu, - J'voudrais savé si y'a une nouvelle sorte de
boeux en Jerry. Vous, qui viyiz un tas de fermiers au Samedi devez bein saver.
S'ou savez, voudrous me faithe le pliaisi de l'dithe dans votre gazette.
Ch'est que, hier matin, un vaisin me montri une gazette
anglaiche avec le portrait de Messieux L'Feuvre, Priaux et un autre que je
n'connais pas mâtés à côté d'un anima qu'avait un piécho comme un' vaque de
quatre ans. La gazette disait que ch'tait là le boeu avec tchi Moussieu
L'Feuvre avait gangni la coupe pour les viers boeux.
Nou pâle de patates heuthives mais je crai qui y'éthai
occouo pus d'profit à faithe sus des boeux qui donnent du lait.
Si j'peux en avé un itèt, j'vos env'yiéthai une petite
gouôte de beurre dès qu'j'en éthons d'épeigne.
En vos r'merciant, Moussieu, je sis,
Un Vier Fermi
Nouvelle Chronique de Jersey 11/4/1914
Viyiz étout: