Les Pages Jèrriaises

Eune Lettre dé 1883

 

A l'Esditeu d'la Kronique de Jèrri


Chier Moussieu,

Vos plyétha ti me faithe le plyaisi de mettre chés deuze-traïs leines ichin sus vote gazette de Sam'di t'chi vain. Je ses bain v'nu vos vais persounellement, mais je sis si tellement opprâissi que si j'ai autcheune course à faithe ma respithation me manque et j'boule coumme un sictin dans l'éthe. Chest qu Maicredi passet il tet mins sur la Kronique que le Claub de Ste. Katrine et l'chein d'la Trintet s'étaient rencontrets à tithé sus la Kmeunne de Guorret, et en même temps ou publiètes les raisultat du Tir, de tchi que la majoritet étent en faveur du Claub de Ste. Katrine par neu points. Eh! bain crethéstous Moussieu, j'ai calchulet, et raccaltchulet et raccaltchullas tu (si vos plyais) et qu'au mains que m's'yiers essais calyis j'en'nsait pon j'nai pon peu arrivé à bâsyi la majorité de neu points au Claub de Ste. Katrine. Je trouv'thais s'lon mé que nos viers garceons d'la Trintet ont lattet les aoutres d'un point.

Ous éthets la bontet d'examiné l'ercord et m'faithe à savé ouest qu'la trompe s'est faite, car si l'affaithe étet coumme y me sembyiet l'trouvé chenn set pas bâsyi l'drouet a tchés-qui vain.

En attendant la râiponse chier Moussieu j'vos salue.

L'Anmin Jean
Chu 19 Octobre 1883
 

 

Viyiz étout:

 

Les Pages Jèrriaises