Si c'h'tila quia siné “Craiyant” dans vot gazète du 9, avé promins eune rêcompense à cheux qu'airaie esplliqui la profécie contre l'Egipte, j'érions p'têtre ben aisséyi de dire tout chena qu'Esaie a racontai de san temps.
Parce que viyous depis qué j'nos sommes fai arachi eune dent, jé viyons bein pus clliai.
C'h'tai la dent dé l'yi qui nos fêsai mâ, et chena nos a bein aiclliairi la veux de la fère arrachi. Dite-li don, qu'i fôt ancouoragi la jannesse; et si nouos promet quique chôse, jé pouorions bein li dire tout chena qu'i voudra si y veux nouos payi not paine.
Ma famme mé dit coumme chena, qué chu Craiyant férai p't'être bein coumme l'aracheux de dent, et jé voulons pas li explliqui la profécie sans qu'i nouos dise chein qu'i veux en fère.
Je vos sis bein oblligi, M. l'êditeu,
Père Caboche
16/12/1882
Viyiz étout: