Mousiu l'Éditeu
Ge sis tou seu Charlot dans note veille, et gei fort affaire toues les samedis au sé a soueteni l'onneu de note parti, vou lie portés de si rud cos. I chantaient toues vos loueanges pour avé mis dans vote drenne gazette la lettre de J.R. Ge leus dis mé, taiz ous taiz ous, i fai ben che qui fai: car si chutte lettre là aitait sans malice ou ne cmencherai pon par bailli une maniere de cliamuse, & pis, sans che qui lia a erdire par aillieu; pour qui airait ti aité si soignieux à merquir la date de chutte decliaration dans une cause quia aité aivoquiee pour pus de deus ans de siette. Ge vos dis mé, que chut JR là n'est quun fran moquieux. Vous dites que toues les Charlots gobbe tou, mais pour mé ge ne gobbe pon chutte baitte là. Vla che qui se passit et ge leus dis que ge nai pon une ame aussi sensible comme d'autres pretende, ma taite ne manque pon de chervai.
à St Ouen le 3 de decre 1787
Gazette de Jersey 8/12/1787
Viyiz étout: