| Du tout c'menchement en touchant l'bouton Esso Extra est juste pouor vouot' moto - i' s'avole juste du coup et prend l'vo juste à la ièrre qu'ou voulez, grîmpe amont juste autchun mont et l'engîn bat juste bein dans tout arrêt d'trafic. Jusqu'à la fîn du viage v'là tchi vouos donne juste les milles d'extra au gallon; juste jusqu'au drein d'gout v'là tchi vouos donne un engîn extra propre. Pas ravissant qu'les motoristes partout disent qué Esso Extra est... Eprouvez et ou Verrez! |
Au mais d'Juilet 1953 la Gâzette du Sé publyit eune annonche pouor Esso en Dgèrnésiais! I' s'adonnit qu'la vèrsion Jèrriaise n'tait pon acouo prête et l'agence avait envyé au run la cheinne pouor Dgèrnésy. Nou promînt d'publier la vèrsion Jèrriaise mais qu'oulle arrivîsse. Au mais d'Août 1953 ch't' annonche-chîn pouor Esso en Jèrriais pathut à la fîn dans la Gâzette du Sé.
Viyiz étout: