Mais, sâpresti! en chinquante-deux,
Y'a des Jerriais qui n'ont pas d'peux,
Et l's uns et l's autres, d'ichin et la,
Sé font en "Club" - et l'affaithe va!

Les membres s'en vont, une fais par mais,
A l'Assembliée des bouans Jerriais,
Et là êcoute pièches et chansons,
Tchiques viers versets, des vrais ditons,
Des longs discours, et des p'tits mots,
Qui les font rithe comme des vrais fo's.

I' sé dispute t'ches-que sont les noms,
Des herbes, des fieurs, et des paissons,
Dé t'chique rotchi, ou d'rue, ou d'poule -
I' cacqu'tt, i' paslent, i' baillent d'lus goulle;
Mingniet est près quand ch'est fini
A l'Assembliée des Gens d'Jerri.

J'savons l' Angliais, j'savons l'Français,
Mais faut t'nin boun au VIER JERRIAIS.

P. W. LUCE.

Y'a souaixante ans, quand mousse j'étais,
Jé criyais bein qué lé Jèrriais
Es'sait bétôt eune langue pâssée,
Hors dé la mode, et oubliée,
Sinon dans tchique creux ou racouain,
Sait à St. Pièrre ou à St. Ouën,
Où'est qu'vièrs et vielles, en chuchotant,
Sé ramémouaithent du Bouôn Vièr Temps.

Mais, sâpresti! en chînquante-deux,
Y'a des Jèrriais tchi n'ont pas d'peux,
Et l's uns et l's aut', d'ichîn et là,
Sé font en "Cliobe" - et l'affaithe va!

Les membres s'en vont, eune fais par mais,
À l'Assembliée des bouôns Jèrriais,
Et là êcoutent pièches et chansons,
Tchiques vièrs vèrsets, des vrais ditons,
Des longs discours, et des p'tits mots,
Tchi les font rithe comme des vrais fos.

I' sé disputent tch'est qu'sont les noms
Des hèrbes, des flieurs, et des paîssons,
Dé tchique rotchi, ou d'rue, ou d'poule -
I' caqu'tent, i' pâlent, i' bâlent d'lus goule;
Mînniet est près quand ch'est finni
À l'Assembliée des Gens d'Jèrri.

J'savons l'Angliais, j'savons l'Français,
Mais faut t'nîn bouôn au VIÈR JÈRRIAIS.
 
P. W. LUCE.