|
J. de l'Ile a grand raison Et fort bein i' l'exprime; Ses rmerques sont de saison Aussi bein que sa rime; Partout les bouais nous abat, La biautè d'l'ile s'en va Je s'rons comme à Guernesy Si v'la qui continue; Jerry n'sera pus Jerry Quand l'ile sera nue; C'est justement à la r'bours De Venus et d'ses atours. Mais une autre chose etou Qui me parait êtrange, Ch'est de veir comme partout La vielle langue change; Au llieu de pâler jerriais Nou machacre de l'angliais. I' faut changir tout chonna, Siere une autre méthode; Par amont et par ava Que plianter sait la mode; I' vaut mûx pâler patouais Que de dêchirer l'angllais. Du rimeux l'observation, Et si juste et si sage, Attirant men attention A rimer m'encourage; Mais à qu'est que v'la qui sert? Ch'est prêchir dans le désert.
|
Viyiz étout: