Eune gamme
Dans la gamme des Tchilieuvres et d's Êtchelles, châque joueux a un bouton. À san tou, châque joueux jette lé dé. Un joueux dait j'ter un six avant d'quémenchi. Châque fais qu'un joueux jette un six, i' peut èrj'ter l'dé acouo eune fais.
Les joueurs avanchent lus boutons ès cârrieaux donnés par l'dé. I' daivent dithe lé neunmétho du cârré où'est qu'lus boutons arrivent (en Jèrriais, bein seux!).
Si l'bouton à un joueux arrive au pid dg'ieune êtchelle, lé joueux peut monter san bouton jusqu'au haut d'l'êtchelle. Mais si san bouton arrive sus la tête dg'ieune tchilieuvre, i' dait tchaie jusqu'à la coue d'la tchilieuvre. Les joueurs peuvent dithe "Amont l'êtchelle!" et "Ava la tchilieuvre!"
Quand un joueux s'apprèche d'la fîn (lé chentchième cârré), i' dait j'ter lé neunmétho exacte pouor arriver sus lé dèrnié cârré. Lé gângnant est l'chein tchi arrive lé preunmyi au chentchième cârré.
Mêfi'ous des tchilieuvres!
Viyiz étout: