Les Pages Jèrriaises

La séraine et lé sno

La séraine assise sus l'rotchi
a les g'veux longs et blionds.
Ou n'peut pon chanter sans snotchi.
Oulle a eune coue d'paîsson.

Ou chante des chansons dé mystéthe,
mais - ètcheunme! - quand ou snoque,
s'n êtèrnueûthie né peut pon pliaithe
et les crabes lus en moquent.

En s'dêmêlant, ou châque sa coue
(sans mouoilli trop san sno)
mais snotchi, en chantant étout,
dév'thait lyi faithe tchique dro.

Sans gambes ou n'pouôrrait pon drotchi
ni drisser sus du vrai.
Mais en l'ouïyant, nou-s'est chotchi
par la grînch'chie d'sa vouaix.

Eune séraine dait s'cârrer du p'tun
et s'mêfier des mathîns.
Ches feunmeurs sont envieurs, châtchun,
dé san patchet dé vîngt.

Ou voudrait feunmer des cigares
tchi veinnent dé Havana.
Sa chant'tie tortuthe les honmards:
Snotchi né fait qu'du ma.

 

Geraint Jennings
Novembre 2002

 

Viyiz étout:

 

Les Pages Jèrriaises