Les Pages Jèrriaises

La grève au R'nouvé brûle, la chithe en d'goutte

La grève au R'nouvé brûle, la chithe en d'goutte;
lé sablion lit, des chandelles sus l'auté
d'la chapelle ès galots d'fouai et d'dêroute,
quandi qu'les mauves piâlent lus priéthes saûssées;

ches prêtres ès ailes d'argent vithevardent et droquent,
et j'ouïyons la sonn'nie des clioches en mé,
et l'vent atout s'n enchens martèle et s'moque
d'la grève en chithe à fliamber au R'nouvé.

Geraint Jennings

 

Viyiz étout:

 

Les Pages Jèrriaises