Vétan, prêt' l'oyrèl' brav' Jean-Dannié, -
I't'ai montrè en rêv' ch'qui s'est pâsèt ;
Dé-pus, êcout' qué j'té dis' - ch'tait mai
Qui t'couronnit d'un bieaux rouog' bonnèt.
Ossin, tu-avais croeu en man pouvé,
Et avais yeu foué en ma promess' -
Coum' chlà, tan partag' - veur-tu l'savé -
S'ra d'être aimè dé tout' ta pâress'.
Dêjà ta bouann' 'rnommèe est connue
D'pis un but pâsè la Profond' Rue
Jusqu'au pus fin-fond dé la Brétann';
A combain qu'ou s'ra d'mil's à la rond',
Dès qu'tu-ès mins ordre à la Chambr'-Chicann'.
P'têt' qu'ou pâs'ra à l'aut' but du Mond'! . . . .
La Fée d'Belle-Hougue.
|
