Un Fricot d'pais d'mai auve des cocombres - ch'est à dithe, tchuithe des pais d'mai et sèrvi auve eune pliatelée d'cocombres.

Ch'est pûtôt dans l'Êst d'l'Ile qué nou connaît ch'la. Dans l'Ouêst ch'est des Pais embeurrés comme nou dit - ch'la étant des pais d'mai mêlés auve des patates bouoillies et du beurre, et pis des cocombres.

Nou-s-appelle chenna eune Pilée étout, ou acouo eune Mêlée. D'autres disent tout simpliément un Fricot.

Pis nou-s-a étout dé l'ouongnon fricachi (ou des châlottes) mêlé auve des patates et des pais d'mai, et ofûche des cocombres. Ayant puthé patates et pais nou mêle chenna atout eune tchulyi d'bouais et pis nou met l'ouongnon fricachi parmi.