|
Si unn' flieur sé trouve par herbage occie, Ou n'peut jâmais sans aîde s'èspanni, Dé-maîme cou'ert par lé voile dé la modestie Combein est qu'i y'ia dé talent muchi? V'là t'y pon qu'un ammin - et jé n'en savions rein - - Il 'avait si bein gardè san sécrèt - Veint dé montrer en public qu'il 'est musicien, Et ch'est McDougal, ma fé, qui l'a dèshallé! Hounneur don à McDougal - èscrivain nonpareil - Ch'est li, Elie, qu'à dèscou'ert - oprès un bouan dîner - Qué tu'avais l'ouïe d'la musique dans l'ouôreille, Mais ch'tait pas dans un “duett” qui fallait l'montrer! Il a dit que dé l'ouï, les gens en lèrmaient; Mais faût-y s'en èstounner? ou z'en fîtes d'unn' belle: Est-che qué vos instruments ensemble s'accordaient? Té, tu jouais lé banjo - tan parchounnyi la “vielle!” hurdy-gurdy.
J.P. |
Viyiz étout: