Pouor' vier violon! pouor' vier violon!
Tu as quasi perdu tout tan son.
Où est qu'est le temps, où est qu'est le temps,
Que je te touonais sus touos les sens?
Il est passaï!
Tu n'es pus qu'un bachin cassaï.
Pouor' vier violon! pouor' vier violon!
Tu as quasi perdu tout tan son.
Et me, pouor' vii, pouor' vier garçon,
Je sis comm' te, man vier violon;
Ma corde grinche, oulle est cassaïe,
Et ma jeunaische, oulle est passaïe;
Je sis tout gris;
Je m'tiens à peine sus mes pids.
Pouor' vier violon! pouor' vier violon!
Tu as quasi perdu tout tan son.
Ah! chutte vie, chutt' courte vie,
Oulle est bétôt, bein vit' finie;
Ou' n'a que la duraie d'un' flieur
Qui s'épanit et pis qui meurt;
Et le pouor' vii
Qu'était, aut' fais, si resvilli,
Comm' son violon, san vier violon,
A bétôt perdu tout san son.
A.A.L.G.
Aland-dale, Beaumont, 4 Juillet 1865
|
