Où'est tch'est don chu temps-là? Jé pense tch'i' n'y'avait à ch't' êpoque qué dans les mille motos* dans l'Île seulement. Et pis, ch'est qu' nou criyait qué ch'tait hardi d'trafi, chenn'na! Nou cachait d'eune ièrre raisonnabl'ye, à compather à chein qu' nou s'n allait vaie pus tard. Et, dé dithe qué d'nouos jours nou-s-a eune quarantaine dé mille dé vouaituthes par les c'mîns en Jèrri! Pouor eune septantaine dé mille d'habitants!

Eh bein, né v'chîn un p'tit accompte d'eune touônnée faite trantchilement lé tchînze dé mai en mil neuf chent trente-huit. I' faut avouer qu' jé n'm'en rappelle pon trop, mais j'avais appathemment mèrtchi ch'la bas comme étant d'întéthêt et tchiqueechose tchi n'sé faithait pon souvent, et chu r'cord avait resté dans eune tithette oublié pouor bein d's années.

La touônnée prînt trais heuthes un quart, les arrêts înclius (chînq ou dgiex minnutes à châque), et la distance 'tait cartchulée comme d'eune chînquantaine dé milles. À c'menchi à :

• Vînchelez
  
• Les Palliéthes
  
• Les Landes
  
• L'Êta
  
• Les Mielles
  
• Lé Mont du Jubilé
  
• Les Tchennevais
  
• La Mèrquand'die
  
• La Baie (d'St. Brélade) - arrêt
  
• Lé Ouaisné
  
• Lé Mont Èrthu
  
• Lé Mont Cambrais
  
• La Ville Emphrie
  
• Les Tchithiéthes Malouothey
  
• La Ville au Bas
  
• La Fontaine Martîn
  
• Oxenford House (vielle êcole)
  
• Hamptonne
  
• La Vallée d'St. Louothains
  
• Lé Dou dé D'mi (" Millbrook ")
  
• La Ville ès Nouaux (La Preunmié Tour)
  
• Lé Mont Couochon
  
• Saint Clyi
  
• Lé Moulîn d'Flyitchet
  
• "Chestnut Lea"
  
• Lé Moulîn Nicolle
  
• La Vallée des Vaux
  
• Lé Hâvre des Pas - arrêt
  
• Bagot
  
• Longueville
  
• L'Arsénal dé Grouville
  
• L'Églyise dé Grouville
  
• Les Prés
  
• Les Maltchiéthes
  
• Gouôrray
  
• Anne Port
  
• L'Archithondé
  
• La Mathe - arrêt
  
• La Ville ès Gaudîns
  
• L'Églyise St. Martîn
  
• Lé Mangni d'Rôzé
  
• Rôzé - arrêt
  
• Lé Câté
  
• Lé Pot du Rotchi
  
• Lé Gardîn d'Olivet
  
• L'Églyise dé La Trinneté
  
• Les Hautes Crouaix
  
• Bouonne Niet
  
• St. Blaize
  
• La Couochette ès Nonnes
  
• La Cocangne - arrêt
  
• La Pèrruque
  
• L'Églyise dé St. Jean
  
• Les Landes
  
• Lé Grand Mouothi
  
• Souothé (Sorel)
  
• Lé P'tit Mouothi
  
• La Falaise
  
• La Hougue Maûgi
  
• Les Mathais
  
• Lé Rondy
  
• La Grève dé Lé
  
• Vînchelez
  

Viyiz étout:

• Lé transport

• Ph'lip wants to buy a car

• Bouon annivèrsaithe, Rolls-Royce!

• Quand J'fus pour Apprendre à Cachi un Moto

• Des courses éd moto

• La Coupe Florio 1927

• Les Minsèthes du Jour d'Agnièt

• Not' p'tite proum'nade à la Campagne

• Un Weekend dé Transport