Heureux moments! is passent bein trop vite
Les doux instants que je passe auprès d'tai;
Ah! je voudrais les ret'nin dans lus fuite,
Les empéchi, les gardai d'senvolai.

A tai men âme est sans cesse attachie,
Coum est l'ierrue tchi tcheint bein dur au bouais,
Par affection tchi n's'ra jamais r'freidgie,
Et par amour tchin' s'éteindra jamais.

Biautaï, grandeur, et tout aut' chose passe,
Coum la fumaïe tout ch'là s'en ira:
Mais de t'aimai jamais mon tchoeu ne s'lasse,
Et de t'aimai jamais ne s'enniéra.

A. A. L. G.