|
Des mogues et pots, des vèrres et jûtes, et des hanas remplyis d'catchet et d'vis, dé d'vinnâles, et d'nièr vîn. Lé vèrjus d'mort a ouâchinné lus vie ava. Lus mémouaithe a 'té nyée dans un lèrmîn d'lamîn. Même si jé b'vons à la santé d'ches péthînmés, i' n'en reste pon d'avîn des cheins tch'y bév'tonnîdrent. Lus pots et mogues viédgis d'un trait ont dêgôlé: n'y'a d'aut' dé vie ni d'vîn, n'y'a d'aut' dé d'si ni d'cidre... Ches nobl'yes bragis auve lus valets ont pâssé l'pas: lus destinnée dêfouie d'dans la tèrre arrouôsée ès mogues et pots, ès vèrres et jûtes, et ès hanas. Les b'veurs haûtent dans l'oublyi ès cieux ou dans l'enfé. |
Viyiz étout: