|
J'èrgarde les cartes dans l'almonnas - y'a les pôles et les continnents, les londgitudes et tout chenna, et les Tropiques et l's ochéans. J'aime bein les montangnes tchi sont hautes; j'aime mus les mathes tchi sont mouoillies, auve les sept mers épis les aut's. J'aime les grand' tèrres et les longis, des bouaîs'sies d'plyie en Améthique, des raides falaises rotcheuses et grandes, des d'sèrts sans ieau tchi brûlent et siquent, les grèves et baies, les mouaies et landes. J'admithe les riviéthes dé gliaiche ouaithe qué nou n'piêsse pon y nagi. J'aime un tas d'pays et hardi d'pliaiches, car j'aime bein la géographie. Geraint Jennings |
Viyiz étout: