|
Un jour je m'en rvenais du drille Et j'étais d'assez bouanne humeu, Quand je rattrapis une fille Que ma veue couvrit de rouogeu: Peudgi, ch'était une hardelle Comme nou n'veit pas touos les jours, Oulle était jeane, oulle était belle Et oulle avait tout pllein d'atours. Ov une mînne bein pendue, Taille êlinguie et pid mignon, Oulle était sans être dodue, Bein fournie et portait chignon; Oulle avait etou par driere Chein que nouz appele un pangniz; Ch'est une assez drôle d'affaire, A qu'est que vla qui peut servir? J'lî fis un salut d'ma tunette, Gracieusement ou me l'rendit, Quand je lî pâlis, la drinette Sans embarras me rêpondit: Je dvisimes de chose et d'autre, Du temps, des récoltes, des c'mins; Je m'condisis en bouan apôtre, A tâcher de pllaire me mins. V'la qui n'fut pas trop difficile, La belle sembllait s'y-êcouter; Je ne sis pas un imbécile, Et je ne sairais en douter. Je ne finis pas l'aventure, Mais quand je chaquimes de main J'avais fini d'conter ma lure, Et j'nouos entr dimes "à-d'main".
P.L. |
Viyiz étout: