À la Glouaithe dé Dgieu
J'crai en un Dgieu, lé Péthe tout-piêssant, Créateu des Cieux et d'la tèrre, et dé toutes chôses vîsibl'yes et învîsibl'yes:
Et en un Seigneu Jésû-Chri, Fis unnique dé Dgieu, engendré du Péthe d'vant touos l's âges, Dgieu dé Dgieu, Leunmiéthe dé Leunmiéthe, vrai Dgieu dé vrai Dgieu, engendré, pas fait, êtant d'la même substance auve lé Péthe tch'a fait toutes les chôses; tchi pouor nous l's hoummes et pouor not' salut d'valit des Cieux, et ayant prîns la chai d'la Vièrge Mathie par lé pouvé du Saint-Esprit, d'vînt un houmme, et tchi fut crucifié étout pouor nous souos Ponce Pilate. I' souffrit et fut ensev'li, et l'traîsième jour i' fut èrlévé des morts s'lon l's êcrituthes, et i' montit ès Cieux, et il est assis à la drouaite du Péthe dé ioù qu'i' r'veindra auve la glouaithe pouor jugi les vivants et les morts, et d'san règne i' n'y'étha pon d'fîn.
J'crai en l'Saint-Esprit tch'est lé Seigneu tchi donne la vie, tchi veint du Péthe et tch'est adouothé et louangi auve lé Péthe et l'Fis, tch'a pâlé par les prophètes; j'crai en l'Églyise sainte, unnivèrselle et apostolique; j'confêsse un bâptême pouor la rémission des péchés, et j'attends la Résurrection des morts, et la Vie dé l'âge à v'nîn.
Âmen.
Viyiz étout: