|
Eune lueu dé lait a 'té êputhée à Cobo; les rotchièrs sont des meurdrisseûthes en pourpre et bliu; des ièrs pochis l'avant à l'horizon à fliot dé crème et lait d'beurre tch'est bétôt pouor touônner sû. La brise cope coumme du limon dans eune bouqu'tée d'lait; lé melgreu fliotte en louêmes dé jus dé pampliémousse; lé cliapotais boule coumme eune bathette à beurre, mais lé solé lit coumme eune orange sus la tou d'Rousse. Et si j'y monte... et si j'y vais ses nièrs canons, lé hathîn du couochant a embliûtré la tèrre. Lé longis entré la mé et l'ciel est eune pliaie tch'ést à r'dgéthi et dispathaître avaû les sièrs. Les côtes dispathaîssent - mais les balles sont néthes, tâssées en pithamide coumme des oranges nièrchies, êcliaithies en bêclian par chutte séthée laitchiéthe et l'histouaithe êputhée à Cobo, Dgèrnésy. Geraint Jennings 2011 |
Viyiz étout: