|
Tch'est qu'nou peut faithe atout la toux? J'ravaûl'lais des pommes et paithes atout la toux. J'rêvil'lais les Sept Endormis atout la toux. J'abattrais l'pus haut cliochi atout la toux. Et sans marté, j'cach'chais des clious atout la toux. Du papi tîmbré est du v'lous à compather d'auve la toux. En Afrique y'a des grands lions mains rudes qu'la toux. J'lus bâdrais d's ouaithions atout la toux. L's êléphants d'veindraient des souothis atout la toux. Et j'apliat'tais les côtis atout la toux. La tèrre trembliéthait du pouvé d'la toux. Lé ciel en tchèrrait s'i' chârait la toux. Ah ma fé véthe, ch'est en tout l'adgève-tout quand j'dêtoûs. Geraint Jennings |
Viyiz étout: