Les Pages Jèrriaises

Tolosa

Eune brûlâtion dé briques; n'en v'là-t-i' un couochant!
Les jannes gens sont assis sus la montée du pont.
Lé rose dé bâtisses tchait en brun brûlé du temps
pâssé; ch'est l'heuthe ès jannes - la séthée d'brûlâtion.

Les bikes sont néthes, mâtées au bord dé la riviéthe;
la coupole fait l'èrfliet d'un sein dans l'cliapotais;
les vèrtes veues au pont lithent; les hardgieaux sont à baithe;
les hardelles à r'garder lus phônes d'un r'gard distrait.

Nou saûticote avaû; lé solé tchait dans l'ieau.
Assis ès d'grés caûffants, et l's esprits êcliaithis -
j'y tétons la coupole èrfliéchie. J'avons caud;
les batchieaux et l's avions y pâssent à jé n'sai tchi,

et tout y'est bliu et rose: lé solé s'nyie dans l'sang.
Et ichîn à Toulouse,les briques brûlent au couochant.

Geraint Jennings

Toulouse, Août 2017

 

Viyiz étout:

 

Les Pages Jèrriaises