Les Pages Jèrriaises

La Saint George à Londres

Nou porte des chapieaux à rouoge crouaix;
nou porte sa rouoge et blianche couleu;
des bras tatoués dans la caleu;
ch'est l'mais d'Avri, et ch'est l'vîngt-trais.

Ichîn la Pièche dé Trafalgar
a l'èrtûnfîn, arrouôsée d'biéthe,
ch'est l'amathage et ch'est l'aussiéthe.
Nou-s'est heûthi, nou n'est pon tard.

Nou n'est pon tard, nou-s'est heûthi;
nou-s'a lanchi lus rêvillon.
Et à la heune, né v'là Nelson
tchi dgette la fête d'l'Angliaîchinn'nie.

Geraint Jennings
À la Saint George, Londres

23/4/2011

 

Viyiz étout:

 

Les Pages Jèrriaises