Air: "The last rose of Summer."

Qu' ou sent à bon et qu' oulle est belle La prumier rose du R'nouvé; Tout aussi douoche est la hardelle Que je me fie un jour d'aver. Nou trouve à l'entou de la rose, Pour la défendre, des piquets; La modestie est une chose Qui garde bein mus les attraits. La prumier rose est l'espérance, Oulle ouvre la belle saison; Dans men amour j'ai confiance, Il est fondè sus la raison. Nou veit à l'entou de la rose, Pour la rempllaichir, des boutons; Autou de ma belle un jour j'ose Espérer de veîr des r'jetons.   UN ST.-LUORENCHAIS.