|
Ch'est à Saint Où qui y'en étha Raidde de tiné pour ch't'êlection, Nou m'dit qu'dêjà chaque candidat A san papi d'nomination! Y'a d's'hommes qui vont par la paraisse Cherchi des voies dans touos les sens; Siez certains “sièz-quartièrs” i' laissent Chein qu'j'appell'lons des... Compliments! Y'a un grand stock sièz John Prouings De jougues, bouteilles, barriques et fûts, Car y'a du monde qu'aiment les lèrmins; I savent bein tch'est qu'ch'est qu'les bouans crûs! J'ai ouï qu'toutes les routes de St. Où Aboutissent au haut du Mathais. L's'êlecteurs y veinnent de partout Quand i' s'agit de faithe des croies. Y'a hardi d'Roses à chein qui s'dit Mais les Rosièrs n'en trouvent pas trop Et déd'pis l'temps qu'i n'n'ont tchill'yi Y'en a tout plien lus pus bieau Bro. Mais l'aut' parti n'perd pas quothage I' continuent à travaill'yi, C'h'est, nou m'asseuthe, un bieau présage D'vaie comment qu'i Prie-au-Louothi!
|
Viyiz étout: