Tout est bein tchi finnit bein

Eune belle séthée d'nièr beurre y'a tchiques années,
Hélas, fut mèrtchie par eune tragédie:
Ma grand' tante tchit dans la peîle et fut n'yée,
Sans qu'nou pûsse arrêter la rêmueûthie.

L'nièr beurre? Ma grand' tante l'avait amendé;
San corps lî donnait un goût d'èrva-s-y.
Sans côffre ni fôsse, la pouôrre vielle fut potée -
(Nou mênagit dé l'vendre deux fais pus chi).