En sé l'vant d'bouan matîn l'aut' jour, un Irlandais nommé Patrick, èrgardit par la f'nêt' dé sa chambre et vit un êléphant dans san gardîn potagi. I' n'en avait janmais veu iun d'vant et n'savait pon coumment qu'un annima d'même 'tait app'lé. Ch'est même probabl'ye tch'i' n'en avait pon veu un portrait dans tchique livre viyant tch'i' n'savait ni liéthe ni êcrithe.
Tout êpèrlutchi, i' téléphônit à san couôsîn tchi 'tait Chef dé Police dé la contrée et lî dit:
"Vein-t'en vite vaie l'drôle d'annima tch'est dans man gardîn à pilvâtchi partout. Il est quâsi aussi grans qué mén appentis, et il a eune coue dé châque bu d'san corps. Il est à êrachi mes caboches atout ieune d'ses coues... et tu n'mé créthais pon si j'té disais où'est tch'il est à les fouôrrer!"
Viyiz étout: