Ch'est à St. Brélade, dans l'seur-vouêt sus la côte, tch'i' s'trouve des creux ou caves bein êtraites et tchi lanchent un but souos les falaîthes. Les gens au baté la niet soulaient y vaie des fantômes et n'en éthaient pon appraichi.
I' pouvait y'aver deux raiethons, sans doute, dans chu cas-chîn. Hardi des rotchièrs là l'tou, veus d'en mé, ont dé drôles d'èrsembliances. Et comme i' n'y'a dgéthe pus supèrstitieux qué l'chein tchi va au baté (nou n'dait janmais dithe tchi va à la pêque!), il est bein aîthi à comprendre qué ch'la li'éthait bailli tout d'siette la brélue!
L'aut' raiethon, bein seux, pouvait d'charme êt' eune affaithe dé fraude. Hé, i' y'a même iun d'ches creux tch'est nommé La Cave ès Fraudeurs! 'T en tchi, bein aîthi d'compather fantômes et fraudeurs, n'est-che pon?
Viyiz étout: