Les Pages Jèrriaises

Deux mots


Tchi jouaie pour les membres d'unn' Députation
D'entendre lé “Oui, je prends,” dé lus Candidat,
Et ou n'mollît pas, ma fé, oprès chounna,
Quand i l'vaient dèshaller lé... tire-bouchon!

Lé bouan temps qu'i pâssent unn' fais rèsponse faite,
Touôs bêvent à la santè du chein qui convie,
Et a bein d'autres étout - ch'est propose et r'mercie,
Tout en viedjiant bouteilles, et tinnèes d'galette!

Les messieux s'en r'vont sièz yieux bein contents,
Et lé Candidat reste là tout seu' à noter
Qué s'i perd ou s'i gâgne, faudra pourtant lus r'dounner
Après l'èslection... d'autres raffraichiss'ment!

Allons, Mesdames, vous tchi voulèz aver vouaie,
Sav'ous qu'nou-z'a grand sai' dans un temps d'Eslection?
Et bein, restèz don coumme ou z'êtes, et n'y r'pensèz pon,
Car ou mett'r'êtes bein vite la renchière au thaie!
 


J.P.
1910

 

Viyiz étout:

 

Les Pages Jèrriaises