V'la nos peire' et nos poumes
Bein louochis, nos gens;
Jamais de mémouêr' d' houme
Avions veu d'itè temps.
Ch'est le Vouêstume
Qui fait voler tout coum' la pllume.
Branque et fieille, en achies,
Font de l'herbe un tapis;
Bein des pôts depichies
Tcheient partout à nos pids.
Ch'est le Vouêstume
Qui fait voler tout coum' la pllume.
De la brise qui vente
Faut teurquir ses glliots;
Car si nou n's'en d'mente,
Tout s'en ira en miots.
Ch'est le Vouêstume
Qui fait voler tout coum' la pllume.
Y-éra pus d'une équête,
Et not' pus grand sapin
Veint de s'casser la tête
Tout en travers du kmin.
Ch'est le Vouêstume
Qui fait voler tout coum' la pllume.
Rein au vent n' êcappe;
Tout s'en va en morciaux;
I faut s'mettre à la cape,
Ou j'érons de quel sus l'dos.
Ch'est le Vouêstume
Qui fait voler tout coum' la pllume.
Y-en a-t-i du saccage,
Et de qui ramarrer;
Y-éra du ramassage,
Et de quel erparer.
Ch'est le Vouêstume
Qui fait voler tout coum' la pllume.
Viyiz étout: