|
Le Tresori des Estats, Chu pouor petit homme, Est ocouo en embarras Et cherche une somme; Mais le pouor petit chéri N'peut trouver d'sous en Jerri, La tristre aventure Oh! gai La tristre aventure. Le pouor petit Tresori Fait vyage oprès vyage, Et cherche, à cor et à cri, Des sous pour l'ouvrage, Et pour le vin et l'rôti De chu fameux comiti, La tristre aventure Oh! gai La tristre aventure. S'i'n'y a pus de fricot J'en airai d'la peine, Car je sis pour le picot Tout comme Baleine; Mais si le pouor Tresori Ne peut trouver de credit, La tristre aventure Oh! gai La tristre aventure. Je n'avons pus de credit La chose est bein cllaire, L'interêt de treis et d'mi N'est pus notre affaire; I' faut diminuer les frais Ou bein hauchir l'intérêt, La tristre aventure Oh! gai La tristre aventure. 1/3/1874 Quand je vei Mousieu Davi S'promner en campangne, J'voudrais pouver comme li Bere du champangne; Je n'ai que du cidre su, Du lard fumè, rouaître et du, La tristre aventure Oh! gai La tristre aventure. I' faut qu'j'aille à l'Imperial, Gouôter d'la tortue D'un cuisignir sans êgal, Et de sa mouorue; S'il y a du cherf etou Et des êpices partout, La bouanne aventure Oh! gai La bouanne aventure. PL 2/3/1874 |
Viyiz étout: