Toujours les mêmes!
Hé! hé! garçons, méfious, car il y a pas mal de caouans à la Trinité, sans compter le coucou!
L'Autre sé, j'tais muchi dans un poummi, quand j'entendi chicuns dithe: Faut r'gardé chique nou dit, le hibou est p't'être par ichin.
Aussi vite dit, chicuns muchis drière d'un fossé cria: Clou! clou! cloud!
Eh bien! foi de hibou! ce n'était pas moi. La preuve, c'est q'yiun d'yieux alli sa câsaque pour fichi unne ronde ès siens qu'avaient criai.
* * *
Mardi, dé bein bouan matin, j'ervenais d'unne profonde rue, de chi, sus unne belle porte, qui v'nait d'avé unne nouvelle câsaque... de peinthuthe, j'vit tchique chose écrit.
Savous bein tchique qu'est-ce té! Oh! unne mauvaise nouvelle: I' tait meins: "Le pape est perdu, pas de lunch demain!"
Ah! si Rome n'tait pas si loin, j'éthaient tait vais si y'éthait 'ieu moyen d'li porté tchiques mûlets, bênits et des bloaters pour empêchi le pape de mouothi.
* * *
Y'an n'a yiun qui est bein mârri et ch'est pour chonna qu'il a voté l'autre bord.
Ch'est sa Missis la cause de tout, j'lai ouïe dithe:
- Tu sai' bein, Piteur, que j'n'avons pas té invités ès neuches d'la fille à couausin Tom. Eh pis, i' n'ont pas ieu la civilité d'nos envié la gâche de neuches. Tu sait bein êtout que la grande voulait en avait un miot pour muchi suous snouthiyi.
- Eh bein! j'crai' j'ai f'sait le Chantgni.
- Non, non, i' y'a un "picot" qu'à si nice petits. v'la qui pouorrait faithe un match. Eh pis, le "Georges" a tchique fais la bike à Lily pour aller à St. Ouen.
- Right j'votait pour li!
Là, méprisez donc le pouvoir des suffragettes. Qu'il avait donc raison, l'imbécile qui disait: 'Ce que femme veut, Dieu veut.'
* * *
Maître James s'en alla de buanne hèuthe. I' n'voulait pas avé la job de fricachi des bloaters sié li!
Et pourtant, y n'avait pas besoin de pèvre. Nan, car Jaquelin poussait de longues haleines et ernachait. I' prenait trop d'pinchie de sno. Je cré que chu sno v'nait d'la Verte Porte!
* * *
Tchi caquethéthie entre deaux biax coqs. Ils en firent du sabat et tout ch'na parce le pus jeune s'était appréchi trop près du feu!
- Et le Chantgni, i' faudra qui déhale ses sous pour payi un bouan café à Charles.
V'la ça qu'ch'est d'avé des gageailles sus les élections.
A vote buanne santé, mousieu.
- Es Piatons, y'en a qui jouent avec les ôtis à Thomas. Occuo bein que l'hernais de l'entrepreneur ne fut pas enterré.
- J'vos dithais bein chi qu'amatha un miot de blieu ribban au haut du sign-post. I' fâyi s'rompre l'co!
* * *
Clou, clou, cloud! la belle perruque a fâyi s'envoler, mais un buan Samaritain l'a r'trouvée.
Caouain
Chronique de Jersey 18/4/1908
Viyiz étout: