|
La branque chèrgie cahuche; la gŷnmnaste êcanche ses calipettes; la brîsette pique les poummes à pliat tchu; les hardelles bonnetchulent en tchêtinnes. I' r'bîndent; un nombrîn d'trampolinne tchi topinne en bouais limonné; chutte gŷnmnastique s'adguche; la lavande d'vale des alanchies. I' tchaient en lus teurtchant ès réchinnes; les vêpres veinnent dêpétrinnés à tchilyi des cali- -pettes d'caleu tchi cahuchent - ches poummes nues sus la branque.
Geraint Jennings |
Viyiz étout: