Les Pages Jèrriaises

Compiaînte de pûs d'un pouore houme en Jêrri

Air:- Ehren on the Rhine

Ah! qué d'painnes et qué d'minzèzes
A faize bouolli les chaoûdiézes,
Les poûor viel' gens ont ichin-bas;
Minzèze bein grande, hélâs! hélâs!


Quand d'pis l'Lundi au Sammedi,
Un pouôr cor s'est êcouochi,
A gangni deusse-trais herpins,
Ofûche à r'pazé les c'mins.

Ah! qué d'painnes et qué d'minzèzes
A faize bouolli les chaoûdiézes,
Les poûor viel' gens ont ichin-bas;
Minzèze bein grande, hélâs! hélâs!


I' s'en r'vein sièz li content,
Fi et riche coume un médian.
Ch'est au pûs si happe unn' dramme:
Et rapporte l'reste à sa famme.

Ah! qué d'painnes et qué d'minzèzes
A faize bouolli les chaoûdiézes,
Les poûor viel' gens ont ichin-bas;
Minzèze bein grande, hélâs! hélâs!


Au Dînmanche i' veur sa c'mînze.
Quand i' d'mande ou-és qu'nou la mînze,
Sa famme lî dit: Men garçon,
Hier, jé n'avais pon d'savon!

Ah! qué d'painnes et qué d'minzèzes
A faize bouolli les chaoûdiézes,
Les poûor viel' gens ont ichin-bas;
Minzèze bein grande, hélâs! hélâs!


Tu sai bein qué not' hardelle,
(Qu'les gaçons trouvent si belle!)
Qui lî fallait tchique ribans,
Pour s'proum'né ov' lé-z-êfans.

Ah! qué d'painnes et qué d'minzèzes
A faize bouolli les chaoûdiézes,
Les poûor viel' gens ont ichin-bas;
Minzèze bein grande, hélâs! hélâs!


I' teur la goule et s'n'yi gaoûche;
I' d'mande unn' nètte paze de caoûches.
Sa famme lî dit: Mé-n-êfant,
Tu mîns les drainnes en t'nallant.

Ah! qué d'painnes et qué d'minzèzes
A faize bouolli les chaoûdiézes,
Les poûor viel' gens ont ichin-bas;
Minzèze bein grande, hélâs! hélâs!


Et li qu'aimme hardi l'paîsson,
Unn' fais atraînne du lanchon:
Il en érait mangi piain unn' bolle,
S'il eût 'tait grês dans la castrolle!

Ah! qué d'painnes et qué d'minzèzes
A faize bouolli les chaoûdiézes,
Les poûor viel' gens ont ichin-bas;
Minzèze bein grande, hélâs! hélâs!


I' dît à sa famme: Fricache!
Et fait-nous unn' pûs belle fache.
Mais lyi qu'aimme mûs la poule,
Rêpond: achocre! taîsiz vot' goule.

Ah! qué d'painnes et qué d'minzèzes
A faize bouolli les chaoûdiézes,
Les poûor viel' gens ont ichin-bas;
Minzèze bein grande, hélâs! hélâs!


Ni c'mînze, ni caoûches, ni bouâns soupièrs;
Unn' famme faînnianne, et sèpt avièrs;
Unn' grand' hardelle rempllie d'ordji,
Et pon d'hardes pour se r'changi!

Ah! qué d'painnes et qué d'minzèzes
A faize bouolli les chaoûdiézes,
Les poûor' viel' gens ont ichin-bas;
Minzèze bein grande, hélâs! hélâs!!!


(I' faoût errdoubllié l'erfraîn ichin).

 

P.

 

Viyiz étout:

 

Les Pages Jèrriaises