Combein dé fais, ammin Elie,
Qu'ov un' air dé modestie,
Lé bouan Mess Bisson nos a dit
Qué pour l'i
I n'pouorrait pon rimer pour sé saûver la vie?
Tch'est qu'ch'est don chounn'chin qu'il a escrit
Dans yieunne des "Locales" dé Mèscrédi:-

"Vers les 4 heures... Dimanche dernier,
"Des personnes s'arrêtaient à regarder
"Des centaines d'étourneaux
"Perchés sur un ormeau...
"C'était très beau
"De voir ces oiseaux
"Qui allaient se percher au haut
"De l'ormeau..."

Ch'est unn' belle chose, qué dé rimer en prose,
Mais ov san style unique
Et graphique
Si Mess Bisson y continue
Man pouôre, nos v'là fichus!

J.P.