Les Hoummes
J'sis au m'séspé ne v'la tchique temps, j'm'en vais vos dithe pourtchi,
Ch'est tout d'la faute à la Râchel,
J'sis en amour de lyi.
J'l'ai connue d'pis que j'étaimes mousses
J'fûmes à l'êcole ensemblyes
Et accouo quand j'la vai je d'veins si êmu que j'en tremblye.
Erfrain Les Hoummes
Oh mais Râchel vé t'en ch'est d'nos prom'ner.
Les femmes
Ah nennin dgia car j'ai promîns à m'mée de m'comporter.
Les femmes
Je n'd'mand'rais pas mus que d'aller me prom'ner auv' Henri.
I' n'sais dgéthe que y'a bein d's années
Que j'ai ieu m'n yi sus li.
J'sais bein qu'il est un vrai gaillard.
Et que j'éthaimes du fonne,
Mais tch'est qu'j'peux faithe car j'ai promîns
A m'mée que je s'sais bouanne.
Tous ensemblyes
J'pouorraîmes aller faithe eune prom'nade dans les p'tites ruettes tchiques sé.
Et y'éthait p'têtre eune brecque ou'est que
J'pouorraîmes nos faufiller
Et catinées tout près ensemblyes
J'oublithaîmes pour tchiques s'gondes
Toutes les choses qui y'a le tout d'nous,
Et être touos seurs au monde.
Tous ensemblyes
Tchi bêtises tout d'même d'aver fait telle promêsse à sa méthe,
Mais coumment nos s'en dêhaller
Auvec la conscienche cliaithe?
Les femmes
La rêponse est bein simplye et j'prie qu'i' s'en va y penser.
Les Hoummes
Sabre de bouais tch'est qu'ou dithai si j'lî d'mande de m'mathier.
Le drain erfrain
Les Hoummes
Oh mais Râchel vé t'en ch'est d'nos mathier.
Les femmes
Ah-h oui s'tu veurs car j'ai promîns à M'mée de m'comporter.
Viyiz étout: